jeudi 3 décembre 2009

بين خو واختو

ـ عيش وخيتي تعطيني خمسمية نعمل وصلة للحماص ونرجع ؟
ـ لتو لا بطلتها هالصنعة ؟
ـ والله نرجعهالك راو الخمسمية...
ـ مانيش نحكي على الفلوس، نحكي عالدخان.
ـ آش من دخان ؟؟ جوست اشتهيت شوية قلوب... نجيبلك معايا ؟
ـ أسمع ما تبداش تكذب. سينون ماتشوفهاش راو الخمسمية.
ـ باهي. صحيح. مضبب ويلزمني سيقارو. تعطيني خمسمية تو ؟
ـ آخر مرة.
ـ باهي باهي...
(تجي باش تعطيه خمسمية ياخي تقولش عليها تفكرت حاجة، تجبد يدها فيسع وتقلو)
ـ أسمع...
ـ شنوة زادة ؟
ـ تجبلي معاك سويقر ؟
ـ شنوة ؟؟؟
ـ مالصباح مانجمت نقرا شي. يلزمني سويقر...
ـ آنا ما نشاركش في جريمة كيما هاذي... الساعة مافيباليش بيك تتكيف...
ـ والله قليل ياسر راهو... تجيبلي آمانك ؟
ـ لا.
ـ مالا ما فماش خمسمية...
(سكت شوية... ومنبعد قال)
ـ مارلبورو والا روايال ؟

2 commentaires:

brastos a dit…

ياسر طيّارة هالسيكونس
:)

cactussa a dit…

:) la realité de nos jours !! :)