"محبوبه كانت تنتابها حالات من الخدر وقت اللي نقترب منها باش نفهّمها السؤال و الا نصلّحلها التمرين والا نشدّلها يدّها (كيما كنت نعمل معاهم الكل) باش نحسّسّها بحركات القلم في حصّة الخطّ ..في البداية ما حطّيتش في بالي حاجة عندها علاقة بحاجة من قبيل الانجذاب الجنسي تجاهي .. الشيء اللي طبيعي باش يحدث من جانبها هي ّ لانّي ربما الرجل الوحيد اللي تباشر فيه يوميا بعد بوها"
النص هاذا مقتطف من أحد أجمل النصوص اللي كتبها براستوس في مدونتو "ميادين" تحت عنوان "ثرثرة معلم قديم". بسبب الحكاية هاذي خاضت البلوغوسفار وماضت وفمة شكون عمل غروپات في الفايس بوك يحب يقاضي فيها براستوس بتهمة التحرش الجنسي (!!!!).
أحد المهووسين الأنونيم اللي يحوسوا في البلوغوسفار ولى يحط في المقطع هاذا كتعليق على المواضيع المنشورة، بمناسبة وبدون مناسبة، وكأنو قاعد يعمل في حملة تشهير بالزميل براستوس، كأنو قاعد يقول : "هاو النص اللي نشرو براستوس من غير حتى تغيير وبدون أي تعليق، وانتوما احكموا بأنفسكم". اللي مايعرفوش السيد هاذا هو كونو النص هو بيدو يحمل دليل براءة براستوس من تهمة البيدوفيليا اللي تم إلصاقها بيه، وهاو باش نفسرلكم علاش.
نحب نوضح الساعة اللي آنا نقول "الزميل" براستوس وموش الصديق. لأني ورغم إدماني على قراءة مدونة ميادين منذ مدة (وهي مدونة تعجبني برشة) فإني ماحصليش الشرف باش حكيت معاه مباشرة، والا عرفتو في الدنيا.
نقول هاذا باش مايمشيش لبالكم اللي آنا قاعد نهب لنجدة "صديق".
وعلى مستوى فكري بحت فإنو أفكاري وأفكار براستوس ما هياش متطابقة رغم تقاطعها أحيانا. ونتفكر حكاية حصار غزة حيث دار النقاش حول الوقوف في صف حماس والا لا، وفي وقتها ما كناش متفاهمين...
ونتفكر زادة نهارة اللي بدا براستوس يجهر بآراؤو اللادينية، نهارتها تفاجئت اللي آنا واياه من نفس القبيلة (ههه)، لكن وفات الحكاية غادي، عخاطر اللي كان يعجبني في المدون هاذا ماهياش آراؤو الدينية والا اللادينية، بل مواضيع أخرى يحكي فيها على ذكرياتو والمواضيع الفنية والسياسية...الخ.
اليوم تم جر براستوس وغيرو إلى مواضيع أتفه منها ماثماش، وتم حشرو مع مجموعة الحرافيش المزعومة، وهي مجموعة خيالية خرجت من خيال بعض الناس المهووسين بالنضال الإفتراضي. نتمنى لو كان براستوس يعود للمواضيع القديمة اللي عودنا بيها ويفك علينا من هالحكايات الفارغة...
لا علينا. آنا راني قاعد نفرغ عخاطر حاسس اللي سكوت برشة ناس ومنهم آنا علي قاعد يصيرهو تواطؤ مع الرداءة السايدة.
براستوس كتب في "ثرثرة معلم قديم" على معاناة بنية اسمها محبوبة بلغت مرحلة البلوغ في السنة الرابعة ابتدائي. تتصوروا كم المعاناة النفسية اللي تكبدو طفلة وصلت للبلوغ في عمر مبكر كيما هكة، خاصة في بيئة ريفية وغير متعلمة. وتتصوروا جسامة المسؤولية اللي على عاتق المعلم في الوقت هاذاكة باش الطفلة تحس روحها "نورمال" في وسط يعتبر بدنها حاجة غير طبيعية وغير مقبولة يلزم نغطيوها ونعتمو عليها.
أول مابدات البنية هاذي تعرف معنى الرغبة وتغزر للرجال بطريقة أخرى، لقات قدامها المعلم متاعها، ويمكن حست نحوو بشيء من الإنجذاب. يقول براستوس : "حاجة من قبيل الانجذاب الجنسي تجاهي". تجاهي أنا !!! الزح أقراو مليح. ماقالش آنا انجذبت ليها، قال هي انجذبت لي !
باهي. كيف هو شك اللي هي انجذبتلو آش عمل ؟؟ "ولّيت نتعامل معاها بنوع من الحذر". ويفسرلنا كيفاش حاول يخليها مندمجة مع المجموعة بدون أنها تحس اللي هي أكبر منهم. في نفس الوقت ماخلى حتى مجال للطفلة باش يمشي في بالها اللي الشعور متاعها متبادل : " في نفس الوقت يلزم نلغي من تصرّفاتي معاها الجانب اللي تمارس فيه هيّ سرّيا معايا و هو اعتباري "رجل" الى جانب انّي "معلّم" ".
من قبل رجل تربية وتعليم مانجموش ننتظرو حاجة أخرى. التصرف هاذا طبيعي ومهني وأي تصرف آخر كان يكون خطر وخروج عن الرسالة السامية متع المعلم.
بالله خليوني نعاود ونكعرر. راهو الحكاية هاذي مايلزمهاش طاولة وكراسي، لو كان الناس جات تفهم راهي تعدات الحكاية من هاك النهار. آما فمة برشة انساقوا ورا حملة الدعاية وولاو يعتبروا في براستوس پيدوفيل... يا ولدي سافا ماو ؟ تي شنية بيدوفيل ؟ ها التهمة كبيرة برشة وخطيرة برشة واللي يقولها يلزمو يدور لسانو في فمو سبعة مرات...
"إذا اتاكم فاسق بنبا فتبينو ان تصيبو قوما بجهالة فتصبحو على ما فعلتم نادمين"
زعمة تبينتوا قبل ما تتهموا الناس بالباطل ؟ وإلا ترتكزوا على ماقالو "مركز الإفتاء البلوغوسفاري"؟؟ يكفي كونو واحد يقرا ويفهم (بالغالط) باش تكونو انتوما في غنى عن محاولة الفهم؟
الحالة اللي وصلنالها مكربة، لكنها ما تبعدش برشة على حالة البلوغوسفار عامين والا ثلاثة لتالي. لا جديد تحت الشمس. البهامة هي هي. التصطيكة بقري، كيما السنا كيما عمناول.
ولاحظوا أني مانتهمش الناس بالباطل، لأنو اللي يقرا مقال براستوس ويستنتج اللي هو بيدوفيل ماينجم يكون كان مصطك، ومصطك درجة أولى زادة.
ومع ذالك أنا مستعد باش نزيد نتحاور في التأويل الممكن لكلام براستوس (رغم اللي مايحتاجش تأويل) إذا كان الحوار يبقى في إطار النص اللي تم الخلاف حولو وما يتحولش إلى شخصنة وتهجم.
مدونتي هاذي ماهياش باش تتحول لساحة معارك كيما صار قبل. لذلك اللي باش يجي يتناقش معاي نقاش فكري مرحبا، وأي حاجة أخرى فإنو القاطع والمقطوع الأحمر متع فايرفوكس مابيناتنا.
هاذي كلمة حق نعتقد أنو كان يلزمها تتقال.
النص هاذا مقتطف من أحد أجمل النصوص اللي كتبها براستوس في مدونتو "ميادين" تحت عنوان "ثرثرة معلم قديم". بسبب الحكاية هاذي خاضت البلوغوسفار وماضت وفمة شكون عمل غروپات في الفايس بوك يحب يقاضي فيها براستوس بتهمة التحرش الجنسي (!!!!).
أحد المهووسين الأنونيم اللي يحوسوا في البلوغوسفار ولى يحط في المقطع هاذا كتعليق على المواضيع المنشورة، بمناسبة وبدون مناسبة، وكأنو قاعد يعمل في حملة تشهير بالزميل براستوس، كأنو قاعد يقول : "هاو النص اللي نشرو براستوس من غير حتى تغيير وبدون أي تعليق، وانتوما احكموا بأنفسكم". اللي مايعرفوش السيد هاذا هو كونو النص هو بيدو يحمل دليل براءة براستوس من تهمة البيدوفيليا اللي تم إلصاقها بيه، وهاو باش نفسرلكم علاش.
نحب نوضح الساعة اللي آنا نقول "الزميل" براستوس وموش الصديق. لأني ورغم إدماني على قراءة مدونة ميادين منذ مدة (وهي مدونة تعجبني برشة) فإني ماحصليش الشرف باش حكيت معاه مباشرة، والا عرفتو في الدنيا.
نقول هاذا باش مايمشيش لبالكم اللي آنا قاعد نهب لنجدة "صديق".
وعلى مستوى فكري بحت فإنو أفكاري وأفكار براستوس ما هياش متطابقة رغم تقاطعها أحيانا. ونتفكر حكاية حصار غزة حيث دار النقاش حول الوقوف في صف حماس والا لا، وفي وقتها ما كناش متفاهمين...
ونتفكر زادة نهارة اللي بدا براستوس يجهر بآراؤو اللادينية، نهارتها تفاجئت اللي آنا واياه من نفس القبيلة (ههه)، لكن وفات الحكاية غادي، عخاطر اللي كان يعجبني في المدون هاذا ماهياش آراؤو الدينية والا اللادينية، بل مواضيع أخرى يحكي فيها على ذكرياتو والمواضيع الفنية والسياسية...الخ.
اليوم تم جر براستوس وغيرو إلى مواضيع أتفه منها ماثماش، وتم حشرو مع مجموعة الحرافيش المزعومة، وهي مجموعة خيالية خرجت من خيال بعض الناس المهووسين بالنضال الإفتراضي. نتمنى لو كان براستوس يعود للمواضيع القديمة اللي عودنا بيها ويفك علينا من هالحكايات الفارغة...
لا علينا. آنا راني قاعد نفرغ عخاطر حاسس اللي سكوت برشة ناس ومنهم آنا علي قاعد يصيرهو تواطؤ مع الرداءة السايدة.
براستوس كتب في "ثرثرة معلم قديم" على معاناة بنية اسمها محبوبة بلغت مرحلة البلوغ في السنة الرابعة ابتدائي. تتصوروا كم المعاناة النفسية اللي تكبدو طفلة وصلت للبلوغ في عمر مبكر كيما هكة، خاصة في بيئة ريفية وغير متعلمة. وتتصوروا جسامة المسؤولية اللي على عاتق المعلم في الوقت هاذاكة باش الطفلة تحس روحها "نورمال" في وسط يعتبر بدنها حاجة غير طبيعية وغير مقبولة يلزم نغطيوها ونعتمو عليها.
أول مابدات البنية هاذي تعرف معنى الرغبة وتغزر للرجال بطريقة أخرى، لقات قدامها المعلم متاعها، ويمكن حست نحوو بشيء من الإنجذاب. يقول براستوس : "حاجة من قبيل الانجذاب الجنسي تجاهي". تجاهي أنا !!! الزح أقراو مليح. ماقالش آنا انجذبت ليها، قال هي انجذبت لي !
باهي. كيف هو شك اللي هي انجذبتلو آش عمل ؟؟ "ولّيت نتعامل معاها بنوع من الحذر". ويفسرلنا كيفاش حاول يخليها مندمجة مع المجموعة بدون أنها تحس اللي هي أكبر منهم. في نفس الوقت ماخلى حتى مجال للطفلة باش يمشي في بالها اللي الشعور متاعها متبادل : " في نفس الوقت يلزم نلغي من تصرّفاتي معاها الجانب اللي تمارس فيه هيّ سرّيا معايا و هو اعتباري "رجل" الى جانب انّي "معلّم" ".
من قبل رجل تربية وتعليم مانجموش ننتظرو حاجة أخرى. التصرف هاذا طبيعي ومهني وأي تصرف آخر كان يكون خطر وخروج عن الرسالة السامية متع المعلم.
بالله خليوني نعاود ونكعرر. راهو الحكاية هاذي مايلزمهاش طاولة وكراسي، لو كان الناس جات تفهم راهي تعدات الحكاية من هاك النهار. آما فمة برشة انساقوا ورا حملة الدعاية وولاو يعتبروا في براستوس پيدوفيل... يا ولدي سافا ماو ؟ تي شنية بيدوفيل ؟ ها التهمة كبيرة برشة وخطيرة برشة واللي يقولها يلزمو يدور لسانو في فمو سبعة مرات...
"إذا اتاكم فاسق بنبا فتبينو ان تصيبو قوما بجهالة فتصبحو على ما فعلتم نادمين"
زعمة تبينتوا قبل ما تتهموا الناس بالباطل ؟ وإلا ترتكزوا على ماقالو "مركز الإفتاء البلوغوسفاري"؟؟ يكفي كونو واحد يقرا ويفهم (بالغالط) باش تكونو انتوما في غنى عن محاولة الفهم؟
الحالة اللي وصلنالها مكربة، لكنها ما تبعدش برشة على حالة البلوغوسفار عامين والا ثلاثة لتالي. لا جديد تحت الشمس. البهامة هي هي. التصطيكة بقري، كيما السنا كيما عمناول.
ولاحظوا أني مانتهمش الناس بالباطل، لأنو اللي يقرا مقال براستوس ويستنتج اللي هو بيدوفيل ماينجم يكون كان مصطك، ومصطك درجة أولى زادة.
ومع ذالك أنا مستعد باش نزيد نتحاور في التأويل الممكن لكلام براستوس (رغم اللي مايحتاجش تأويل) إذا كان الحوار يبقى في إطار النص اللي تم الخلاف حولو وما يتحولش إلى شخصنة وتهجم.
مدونتي هاذي ماهياش باش تتحول لساحة معارك كيما صار قبل. لذلك اللي باش يجي يتناقش معاي نقاش فكري مرحبا، وأي حاجة أخرى فإنو القاطع والمقطوع الأحمر متع فايرفوكس مابيناتنا.
هاذي كلمة حق نعتقد أنو كان يلزمها تتقال.
4 commentaires:
Merci beaucoup pour l'explication. Maintenant je comprends l'histoire. Souvent les bloggueurs wi hatta ceux commentent oublient la référence, khatr el web c'est assez large. Koll article blech reference willa rappel des faits reste incomplet.
اهلا ماني
شكرا على هالاشارة
سمّيها زماله .. صداقة افتراضية .. سمّيها ما شئت .. المهم انا نعتبرك من المدونين القراب برشه ليّ .. كيما ايّ مدونه فايحة منها ريحة الحرية
قبل كل شي و بعد إذنك ، نحب انّبّه الى انّ ايّ تعليق ما يحملش اسمي
brastos
مع الرابط اللي يحيل على مدونتي راهو خاطيني
نقول الكلام هاذا على خاطر ثمّه واحد مريض فتح حساب في بلوغر باسم : "براستوس" وهمي ، و يدور بيه في المدونات و يخلّي في تعاليق لا علاقة لها بالتدوينات
الحكاية الاخرى راني تجاوزتها ..و تعدّيت للثرثرات الموالية
على خاطر منطلقاتها فارغه ، و هوما بيدهم بقاو معزولين ، و ما ناصرهم حدّ ، حتّى "اصحابهم" ـ
شوف مثلا ثرثرة اليوم
شكرا مرة اخرى
@ taxe : de rien !
@ brastos :
آنا نعتز برشة بهاالزمالة وإلا الصداقة والا اللي تحب إنتي ! المهم نكونو موجودين ونكونو أحرار في اللي نقولوه.
بالله براستوس ماتاخوش في خاطرك لو كان حيرت شوية المياه الراكدة. الحقيقة آنا نسيتها الحكاية ياخي اليوم الصباح شفت حاجتين دخلوني بعضي. الأولى تعليق أنونيم خارج عن الموضوع عند نادية :
http://nadia-s-secret-garden.blogspot.com/2009/09/la-vie-est-un-long-fleuve-tranquille.html
والثانية تعليق حطوا فريق المرح عالفايس بوك يقول فيه الكلام هاذا : "هذاك حرفوش مسنّ ما تحلالو لحكايات كان على الجنس. كتب نص "إبداعي" أطنب فيه في وصف جسد طفلة عمرها عشرة سنين بشكل جنسي مبالغ فيه. وباعتبارو عندو سوابق في الهلوسات الجنسية اتهموه بالبيدوفيلي"
وقتها حسيت اللي أنا شخصيا مقصر في هالحكاية والحقيقة اللي كنت نظنها واضحة للجميع كي الشمس بدات تغطي فيها بعض الأصوات الناعقة اللي ماحبتش تحشم ع روحها.
نعتبر اللي تذكير البعض ببعض الحقايق البديهية لازم من وقت لوقت.
ودون وآش يهمك فيهم...
belehi bara emchi ...enti w prestousek !
ezab tawa fou9 echhar wentouma treychou fi 7keyet el mou3elem !
walah 3mùeltou eri7a !!!!!!
Enregistrer un commentaire